تهران 22 مئي (اے پي پي) وزيراعظم محمد شهباز شريف د ايران په ختيز آذربائيجان ولايت كښې د مئي په 19مه نيټه د چورلكئ په پېښه كښې د شهيد شوي صدر ډاکټر سيد ابراهيم رئيسي، خارجه وزير حسېن امير عبداللهيان او د ھغوي د ملګرو د جنازې په مونځ كښې ګډون لپاره د ايران دوره وكړه۔ نائب وزيراعظم او خارجه وزير سينيټر محمد اسحاق ډار هم دوي سره ؤ ۔ د شورو په ورځ د خارجه دفتر لخوا د جاري بيان له مخې د ايران سپريم ليډر آيت الله سيد علي خامنه اي سره په ملاقات كښئ وزيراعظم محمد شهباز شريف د پاکستان اولس او حكومت لخوا د غمرازۍ څرګندونه وكړه٬ د صدر رئيسي په اپرېل 2024 كښې د پاكستان دورې ذكر كولو سره وزيراعظم د پاکستان او ايران د دوه اړخيزه اړيكو مخ په وړاندې بوتللو لپاره د هغوي په قدر وړ كردار رڼا واچوله۔ وزيراعظم صدر رئيسي يو وژنري مشر وګرځولو چا چې د خپل هېواد او اولس خدمت په ثابت قدمۍ سره كولو۔ ده ووئيل د اسلامي نړۍ اتحاد او په غزه كښې د محصور اولس لپاره د صدر رئيسي خدمات به په تاريخ كښې ليكلے شي۔ ده سيمه ايز امن او د خبرو وړاندې بوتللو لپاره د ارواښاد حسېن امير عبداللهيان د كردار هم ستائنه وكړه۔ وزيراعظم د قامي پېښې په دې سخت وخت كښې د ايران اولس سره د غېر متزلزل يووالي څرګندونه وكړه ۔ دغسې ده د ايران حکومت او اولس سره د دوستۍ او ورورولۍ رشته لا قوي كولو لپاره د پاکستان د عزم پخلے وكړو۔
وزيراعظم شهباز شريف د ارواښاد صدر ډاکټر سيد ابراهيم رئيسي او د خارجه وزير پشمول د نورو شخصياتو په جنازه كښې ګډون لپاره د ايران دوره، د قامي پېښې په دې سخت وخت كښې د ايران اولس سره د غېر متزلزل يووالي څرګندونه
مضمون کا ماخذ : کمپیوٹر لاٹری لائیو
متعلقہ مضامین
