اسلام آباد 04 جون (اے پي پي) وزيراعظم شهباز شريف چين سره دوه اړخيزه اړيكې او اقتصادي، تجارتي او د سرمايه کارۍ روابط لا قوي كولو لپاره د عزم پخلي كولو سره وئيلي دي پاکستان د چين تجربو څخه استفاده كول او برامدات زياتول غواړي، سي پېك د اعليٰ معيار ترقۍ دوېم پړاٶ ته داخلېږي٬ د دواړو هېوادونو ترمېنځه مرستې څخه د پاکستان سائنسي او تکنيکي پرمختګ ته وده ترلاسه شوې٬ د چين كمپنۍ دې پاكستان كښې سرمايه كاري وكړي او د پاکستان کمپنيو سره دې په ګډه منصوبې جوړې كړي۔ د دې خيالاتو څرګندونه ده د چين په پنځه ورځنۍ سركاري دورې د روانېدو نه وړاندې شنهوا نيوز ايجنسي، سي سي ټي وي او سي جي ټي اېن اردو پشمول د چين د بېلا بېل ميډيا ګروپس نمائندګانو سره خپلې مركه كښې وكړه ۔ وزيراعظم ووئيل د دواړو هېوادونو د كمپنو شريكې ګټې او د سرمايه كارۍ ودې لپاره به د چين كاروباريانو سره د خبرو اترو د لارې دوه اړخيزه اړيكو مضبوطولې شي، مونږ د سنجيده منصوبو سره چين ته روانېږو ٬ هلته به ګټورې خبرې كېږي چې ورسره به د چين او پاكستان كمپنو ته وګټه ورسي، د دواړو هېوادونو اړيكې به لا قوي شي او د دواړو هېوادونو اړيكې به د هماليه يا د بلې كومې غونډۍ نه زياتې لوړې او د سمندر نه زياتې ژورې شي۔ وزيراعظم ووئيل دې دورې څخه به د دواړو هېوادونو كمپنيو ترمېنځه د روابطو ودې، د خاص اقتصادي زونز، د صنعتونو جوړولو او د مشتركه منصوبو د لارې د پاکستان افرادي قوت لپاره د روزګار موقعې راپېدا كېدو٬ د صنعتونو او د ټيکنالوجي منتقل كېدو له اسانۍ، د پاکستانو څيزونو پيداوار زياتېدو له مرسته ترلاسه شي ٬ د دې نه علاوه د چين پاکستان اقتصادي راهداري به هم اپ ګرېډ كولې شي۔ وزيراعظم د ډھانچه جاتي او اداره جاتي اصلاحات ،په خرڅونو كښې کمے، د صنعتو وده او سرمايه کارو لپاره سهولتونه راپېدا كولو د لارې د قامي معيشت بهترۍ لپاره د حکومتي ترجيحات ذكر وكړو۔ ووئيل پاكستان د چين تجربو څخه زده كړه كول غواړي او د خاص اقتصادي زونز جوړولو غواړي، په دې لړ كښې وړومبې اقتصادي زون به پاکستان سټيل ملز كښې جوړولې شي كوم چې د وړاندې نه رېل نېټ ورك سره تړلې شوې او دا د بندرځاے سره نزدې دېے۔ ده چينيائي صوبو او کمپنو ته بلنه وركړه چې ھغوي خاص اقتصادي زونز جوړ كړي او شريكې ګټې لپاره پاكستاني كمپنو سره مشتركه منصوبې پېل كړي۔ ده د چين ټيکسټائل څانګې ته په پاکستان كښې د خپل يونټس جوړولو بلنه وركولو سره ووئيل د چين دورې په مهال به زه د د هواوے کمپني هم قائل كوم چې ھغوي انفارميشن ټيکنالوجي او د مصنوعي ذهانت په اړه د پاکستانو ځوانانو لپاره د لنډې مودې كورسز پېل كړې دغسې چې دوي خپل كاروبار پخپله شروع كړے شي او خليجي هېوادونو لپاره خپل خدمات وړاندې كړي او پاکستان ته ترسيلات زر راولېږي۔ ده ووئيل پاکستان د چين زرعي ټيکنالوجۍ څخه استفاده كولو سره زرعي پيداوار او برآمدات زياتول غواړي٬ د دوه اړخيزه اړيكو پحقله وزيراعظم ووئيل پاکستان او چين آئرن برادرز دي او زمونږ دوستي لازواله ده او زمونږ زوړونه د يو بل لپاره درزېږي۔ ده په سخت وخت كښې د چين لخوا د پاكستان د ملاتړ ستائنه كولو سره ووئيل پاکستان په ګرده نړۍ كښې چين خپل د اعتماد وړ دوست ګڼي۔ ده ووئيل پاکستان په ون چائنا اصول مضبوطۍ سره ولاړ دے او دا عزم به عمر له قائم دائم وي۔ د چين د پرمختګ پحقله وزيراعظم ووئيل نن چين په ډېر محنت او د سنجيده او سختو ستړيو او هلو ځلو له امله يو عظيم قوت جوړ شوے٬ د چين ماډل په اړه شكونه تاريخي شواهدو ناسمه ثابت كړي٬ د خپل انتخاب نه وروستو د چين صدر شي جن پھنګ لخوا د مباركۍ پېغام ذكر كولو سره وزيراعظم ووئيل دې نه د دواړو هېوادونو د دوستۍ عكاسي كېږي كومه به چې زمونږ په ذهن كښې تل ژوندې وي۔ ده د چين صدر شي جن پھنګ د قيادت ستائنه هم وكړه چا چې د لكهونو په شمېر د چين اولس د غربت نه رابهر كړے ٬ وزيراعظم ووئېل زه د غربت خاتمه كښې د چين د ماډل څخه زده كړه كول غواړم۔ وزيراعظم ووئيل د پاکستان د چين د واكمنۍ تجربې ، بنيادي اصلاحات، د بدعنوانۍ مخنيوي٬ د چين سرمايه کارو لپاره د سازګار ماحول پېدا كولو او سرمايه كارۍ لپاره د ګټورو پاليسو معرفي كولو په اره د چين تجربو څخه استفادې له خوښي لري۔ ده ووئيل سي پېك وړاندې پړاٶ ته داخلېږي او د اعليٰ معيار پرمختګ په يو نوي پړاٶ دواړه هېوادونه د زراعت، کان کنۍ، د صنعت او په نورو څانګو كښې مرسته كوي۔ د چين په مرسته پاکستان د خپل وړومبي سيټلائټ او ملټي مشن کميونيکيشن سيټلائټ لانچنګ ذكر كولو سره وزيراعظم ووئيل دواړو هېوادونو ترمېنځه مرستې څخه د پاکستان سائنسي او تکنيکي پرمختګ ته وده ترلاسه شوې۔ ده ووئيل ملټي مشن کميونيکيشن سيټلائټ څخه د پاکستان موجوده ډيجيټل ماحول د بدلېدو هيله ده٬ دغسې ګرد هېواد لپاره به د تند رفتاره انټرنيټ سهولتونه وركړې شي ٬ د اولس د ژوند معيار به ښه شي او اي كامرس او آن لائن حكومتي چارې او اقتصادي پرمختګ به وده ومومي
د چين کمپنۍ دې پاکستان كښې سرمايه كاري وكړي٬ شريكې منصوبې دې جوړې كړي ۔ د وزيراعظم شهباز شريف د چين ميډيا سره مركه چين سره د اقتصادي٬ تجارتي او د سرمايه كارۍ ورابط لا قوي كولو لپاره د عزم پخلے
مضمون کا ماخذ : کمپیوٹر لاٹری کا ٹکٹ
متعلقہ مضامین
