په غېر قانوني توګه هېواد كښې مېشته غېر ملكيانو ويستلو په اړه ټول انتظامات بشپړ شوي۔ د نګران وفاقي وزير سرفراز احمد بګټي پرېس کنفرنس

APP36-261023 ISLAMABAD: October 26 Caretaker Federal Minister for Interior Sarfraz Ahmed Bugti addressing a Press Conference. APP/TZD/ABB

اسلام آباد 26 اکتوبر (اے پي پي) نګران وفاقي وزير سرفراز احمد بګټي وئيلي دي په غېر قانوني توګه هېواد كښې مېشته غېر ملكيانو ويستلو منصوبې پحقله ټول انتظامات مكمل شوي٬ د نومبر وړومبې نيټې نه وروستو به د غېر قانوني غېر ملكيانو په اړه په انخلاء او د شړلو په پاليسۍ به سودا نه كېږي٬ بې دخل شوې غېر ملكي كورنيو ته به د 50 زره نه د زياتو نغدو وړلو اجازه نه وي۔ د زيارت په ورځ پرېس كنفرنس ته د وېنا په مهال ده ووئيل په بېلا بېلو ښاريو كښې هولډنګ سينټرز جوړ كړے شوي٬ غېر قانوني غېر ملكيان به هلته ساتلے شي او دوي ته به ټول سهولتونه وركولې شي٬ د بې دخل كولو پاليسي ھغه غېر ملكيانو لپاره ده څوك چې د سفر دستاوېز نه لري، څوك چې په هېواد كښې د پاتې كېدو جواز نه لري ھغوي به زندانونو ته نه لېږلے كېږي بلكې د هولډنګ سينټرز نه به خپلو هېوادونو ته لېږلے شي۔ نګران وزير ووئيل د بې دخله كولو پاليسي يواځې غېر قانوني وګړو لپاره ده ٬ د افغان وګړو پشمول كوم غېر ملكي چې قانوني دستاوېزات سره راتلل غواړي مونږ به ئې هركلے كوٶ، زمونږ قام احسان فراموش نه دے٬ مونږ د ملېمنو په احترام پوهېږو ۔ده ووئېل سياسي مشرانو ته د رامخې ته خطرو پحقله د يوې پوښتنې په ځواب ده ووئيل سياسي مشران خطرو سره مخ دي٬ ده ووئيل د غېر ملكيانو بې دخله كول يو چېلنجنګ ټاسك دے خو رياست لپاره چېلنج چې هر ډول وي چېلنج نه وي چې ټولې ادارې غواړي چې زمونږ هېواد مضبوط شي ۔ده ووئېل داسې خو په يو هېواد كښې نه كېږي چې څوك راشي او بيا ئې درك نه لګي چې چرته دے٬ نه څوك ويزه اخلي او نه د سفر دستاوېز۔ وفاقي وزير ووئيل زمونږ په قانون كښې كه يوه مېرمن غېر ملكي سره واده وكړي نو سړي ته ئې شهريت نه ترلاسه كېږي خو كه يو سړے غېر ملكۍ سره واده وكړي نو ھغې ته شهريت ترلاسه كېږي۔ ده ووئيل غېر ملكيانو ته په كرايه كور وركول هم د سهولت كارۍ په زمره كښې راځي ٬ په دوي به د اېف آئي اے د فارن اېكټ اطلاق كېږي او ستونزو سره به مخ كېږي۔

مضمون کا ماخذ : دیگر کلیدی الفاظ