اسلام آباد 03 نومبر (اے پي پي) د دفاع وزير خواجه محمد آصف وزيرآباد سره نزدې د تحريك انصاف په لانګ مارچ د ډزو د پېښې په سختو ټكو غندنه كولو سره وئيلي دي رياست كښې د تشدد عنصر بايد ختم شي، سياسي ورورولۍ له د خبرو اترو د لارې مسئلې حل كول پكار دي۔ د زيارت په ورځ قامي اسمبلۍ كښې د څرګندونې په مهال خواجه محمد آصف ووئيل د دې پېښې چې څومره غندنه وشي كمه ده٬ يو كس حق رسېدلے دے الله پاك دې د ھغه مغفرت نصيب كړي٬ په سياست كښې تشدد ډېر افسوسناك دے٬ سياست د خبرو اترو نوم دے ٬ په دې كښې د خبرو د لارې مسئلې هوارېږي٬ دروازې نه بندېږي۔ده ووئېل د لياقت علي خان د شهادت نه پس هم ډېرې پېښې شوي خو ولې سياست مدارو د اختلافات باوجود يو بل سره ورورولي نه ده پرېښودې٬ ده ووئېل د لياقت علي خان نه پس ذوالفقار علي بھټو شهادت هم د داسې تشدد يو مثال ٶ۔ ده ووئيل كله چې سياسي حكومتونه په اقتدار كښې وي نو د تشدد رجحان كمولو هڅې كېږي۔ ده ووئيل زمونږ د يو بل نه ګيلې او نظرياتي اختلافات كېدې شي خو ولې د تشدد نه لرې اوسېدل پكار دي۔ ده ووئيل عمران خان پخوانے وزيراعظم دے او دې ايوان سره اړه لري٬ د دې پېښې ټول ايوان له غندنه پكار ده۔
رياست كښې د تشدد عنصر بايد ختم شي، سياسي ورورولۍ له د خبرو اترو د لارې مسئلې حل كول پكار دي۔ د دفاع وزير خواجه محمد آصف
مضمون کا ماخذ : ہرکیولس اور پیگاسس
متعلقہ مضامین
