كابل 17 مئي (اے پي پي) صدر مملكت ډاكټر عارف علوي وئيلي دي چې پاكستان او سعودي په ګڼ شمېر سيمه ايزو او نړيوالو چارو همغږي لري، د دواړو هېوادونو ترمېنځه په بېلا بېلو څانګو كښې د ستراتېژيكي او د پراخا بنياد شركت ته د لا ودې وركولو ضرورت دے. ده دا خبرې په پاكستان كښې د سعودي سفير نواف بن سعيد المالكي سره په خپلو خبرو كښې وكړې كوم چې د نهې په ورځ په ايوان صدر كښې هغه سره ملاقات وكړو. د ملاقات په مهال د دواړو هېوادونو د اړيكو قوي كولو د عزم څرګندونه وكړې شوه. صدر مملكت ووئيل چې پاكستان سعودي سره خپلو اړيكو ته ډېر د قدر په سترګه ګوري كوم چې تل په سخت وخت كښې د پاكستان مرسته كړې ده. په دې موقع صدر مملكت خادم حرمېن شريفېن لپاره د نيكو هيلو څرګندونه وكړه او وې وئيل چې د پاكستان اولس د هغه روغ صحت او اوږد عمر لپاره دعا كوي.
مضمون کا ماخذ : apostas quina
