بيجنګ 30 مارچ (اے پي پي) خارجه وزير شاه محمود قرېشي د چين سټېټ كونسلر او خارجه وزير وينګ ژي سره هوانګ شن كښې د شورو په ورځ ملاقات كړے ۔د ملاقات په مهال په دوه اړخيزه ستراتېژېكي٬معاشي او د امنيتي مرستې ٬د كورونا وبا٬افغانستان كښې امن او استحكام او پرمختګ٬د شريكې خوښې په سيمه ايزو او نړيوالو چارو د خيالاتو څرګندونه شوې۔د خارجه دفتر لخوا جاري شوي بيان له مخې خارجه وزير شاه محمود قرېشي خارجه وزير د افغانستان ګاونډيانو هېوادونو خارجه وزيرانو درېمه غونډه كښې ګډون لپاره د چين په دوره دے۔خارجه سېكتر او د افغانستان لپاره د پاكستان خاص نمائنده هم د خارجه وزير سره دي ۔په ملاقات كښې خارجه وزير شاه محمود قرېشي زور راوړو چې چين سره اړيكې د پاكستان د خارجه پالېسۍ بنيادي ستن ده٬ده د پاك چين ستراتېژېكي كوآپرېټو شراكتداري لا زياتولو له د حكومت د عزم پخلے وكړو۔ده په ون چائنا پالېسۍ عمل كولو او د چين بنيادي ګټې د چارو ملاتړ روان ساتلو له د پاكستان د كلك عزم پخلے وكړو۔ده د پاكستان په خپلواكۍ٬جغرافيائي سلامتيا٬سياسي استحكام او معاشي پرمختګ كښې د چين په پرله پسې ملاتړ كولو مننه وكړه۔خارجه وزير شاه محمود قرېشي د وزيراعظم عمران خان په فروري 2022 كښې د بيجنګ سرمائي اولمپكس پرانستې دستوره كښې ګډون لپاره د وزيراعظم عمران خان دورې او د خاص مېلمه په توګه د خارجه وزير وينګ ژي د او آئي سي خارجه وزيرانو كونسل په غونډه كښې ګډون لپاره د اوسنو دورو حواله وركولو او د پاكستان او چين ترمينځه په ښه ډول اړيكې مخ په وړاندې بوتللو د اطمينان څرګندونه وكړه۔دغسې خارجه وزير شاه محمود قرېشي د افغانستان په اړه د غونډو په كوربتوب د چين مننه وكړه۔ده په افغانستان كښې امن٬استحكام او پرمختګ ودې او تر افغانستان د سي پیك پراختيا د لارې د سيمې تړلو آسانيو لپاره د پاكستان او چين سره سره د افغانستان د نورو ګاونډيانو هېوادونو ترمينځه په رابطو زور راوړو۔دغسې د دواړو اړخه د يوكرين په صورتحال د خيالاتو څرګندونه وشوه۔د جنګ په سمدستي توګه بندولو زور راوړلے شو او دبشري مرستې او د خبرو اترو او سفارتكارۍ د لارې حل راويستلو له د پاكستان د موقف پخلي سره خارجه وزير د او آئي سي پليټ فارم د لارې سفارتي حل له د سهولت كارۍ په اړه د پاكستان خوښي څرګنده كړه
خارجه وزير شاه محمود قرېشي د چين سټېټ كونسلر او خارجه وزير وينګ ژي سره ملاقات
مضمون کا ماخذ : بہت سے نتائج
متعلقہ مضامین
